Дзень роднай мовы
21 лютага ў нашай школе адзначалася свята “ Міжнародны дзень роднай мовы”. Актыўны ўдзел у ім прынялі ўсе вучні школы.
Раніцай усіх настаўнікаў і вучняў сустракалі дзеці, якія віталіся на роднай мове, нагадвалі аб свяце і за любімыя словы на беларускай мове ўручалі памятныя эмблемы.
На дугім паверсе была наладжнана выстава “Скарбонка роднай мовы”, у якой з задавальненнем прынялі ўдзел самыя таленавітыя вучні.
Далей свята было арганізавана такім чынам, што на ўсіх перапынках на другім паверсе дэманстраваўся відэаролік пра гісторыю паходжання свята, а таксама пра самабытнасць беларускай мовы.
Завяршала свята мерапрыемства “Вандроўка па родным краі” , у якім сустрэліся каманды 7-8 класаў. Гледачы таксама не сумавалі, актыўна ўдзельнічалі ў віктарыне “Залацінкі народнай мудрасці”. Было па-добраму шумна і весела!
Свята атрымалася! Яно было не толькі вясёлым, але і карысным.
