Урачыста і па-святочнаму пачаўся новы навучальны год!
Урачыста і па-святочнаму прайшоў першы дзень навучальнага года ў нашай школе!
Лейтматывам усіх мерапрыемстваў 2-га верасня гучала тэма Радзімы. І першы ўрок, і выступы гасцей так ці інакш закраналі ў сваіх віншаваннях тэму радзімы, тэму людзей, што тут, на ёй жывуць і славяць яе сваёй працай. А сёлетні год для нашага раёну выдаўся юбілейны.
Менавіта 1 верасня споўнілася 95 гадоў з дня яго заснавання ў далёкім 1924-м, таму тэма Радзімы і, асабліва, тэма радзімы Малой у гэты дзень была, бадай, асноўнай, адсочвалася ва ўсіх віншаваннях гасцей. А павіншаваць у гэты дзень да нас прыйшлі кіраўнік справамі Брагінскага раённага выканаўчага камітэту Сяргей Іванавіч Прыходзька, галоўны спецыяліст аддзела адукацыі, спорту і турызму Брагінскага райвыканкама Святлана Іванаўна Паўлюшчанка, прадстаўнікі райаддзелу па надзвыяайных сітуацыях і шэрад іншых прадстаўнічых асоб. Святлана Іванаўна прыйшла не з пустымі рукамі. Ад імя райвыканкама яна цёпла і шчыра павіншавала ўсіх прысутных з Днём ведаў, асабліва пажадала поспехаў усім навучэнцам, якія сёлета дасягнулі тых ці іншых поспехаў у навучанні і выхаванні, уручыўшы лепшым з іх штогадовыя прэміі райвыканкама за дасягнутыя поспехі. Але самыя цёплыя словы былі адрасаваны да маленькіх чальцоў вялікай школьнай сям'і, да першакласнікаў. Пасля афіцыйных урачыстасцей рабяты і настаўнікі разышліся на свой першы ўрок, каб яшчэ болей даведацца пра сваю малую Радзіму, пра яе знакамітасцей, яе адметнасці сярод іншых, а таксама шмат новага і цікавага!
