Урачыста і па-святочнаму пачаўся новы навучальны год!
Урачыста і па-святочнаму прайшоў першы дзень навучальнага года ў нашай школе!
Лейтматывам усіх мерапрыемстваў 2-га верасня гучала тэма Радзімы. І першы ўрок, і выступы гасцей так ці інакш закраналі ў сваіх віншаваннях тэму радзімы, тэму людзей, што тут, на ёй жывуць і славяць яе сваёй працай.
Менавіта так супала, што дзень нараджэня раёна супаў з Днём ведаў.1 верасня споўнілася 96 гадоў з дня яго заснавання ў далёкім 1924-м, таму тэма Радзімы і, асабліва, тэма радзімы Малой у гэты дзень была, бадай, асноўнай, адсочвалася ва ўсіх віншаваннях гасцей. А павіншаваць у гэты дзень да нас прыйшлі кіраўнік справамі Брагінскага раённага выканаўчага камітэту Сяргей Іванавіч Прыходзька, начальнік аддзела адукацыі, спорту і турызму Брагінскага райвыканкама Наталля Міхайлаўна Даўжанок, прадстаўнікі райаддзелу па надзвыяайных сітуацыях і шэрад іншых прадстаўнічых асоб. наталля міхайлаўна ад імя райвыканкама цёпла і шчыра павіншавала ўсіх прысутных з Днём ведаў, асабліва пажадала поспехаў усім навучэнцам, якія сёлета дасягнулі тых ці іншых поспехаў у навучанні і выхаванні, але самыя цёплыя словы былі адрасаваны да маленькіх чальцоў вялікай школьнай сям'і, да першакласнікаў. Пасля афіцыйных урачыстасцей рабяты і настаўнікі разышліся на свой першы ўрок, каб яшчэ болей даведацца пра сваю малую Радзіму, пра яе знакамітасцей, яе адметнасці сярод іншых, а таксама шмат новага і цікавага!
